O 26º Madrugón dará a benvida ao Día do Cristo no Barco de Valdeorras

A cita será mañá, 14 de setembro, ás 8 horas na Capitana, á beira do río Sil

Participantes na anterior edición do Madrugón do Barco. /Foto: Carlos G. Hervella.

A medio camiño entre o apartado lúdico e o deportivo, ineludible e tradicional, se sitúa o Madrugón. Unha cita que marca o comezo do Día do Cristo no Barco de Valdeorras, o 14 de setembro.

Mañá, cos albores do día, en torno ás 8 da mañá, os participantes (uns recén levantados, outros chegados directamente dunha noite de festa), concentraranse no punto de saída, A Capitana, para comezar a carreira que os levará río abaixo, por uns 300 metros de distancia ata a praia fluvial no Malecón onde, os familiares e amigos que teñan a ben acompañalos, esperarán coas toallas e a roupa preparada. Porque se hai algo que caracterice esta proba, é a valentía que ano tras ano demostran os participantes. Xa non se trata unicamente de madrugar senón de soportar as baixas temperaturas da mañá e sobre todo do río que a mediados do mes de setembro son pouco menos que xélidas, antes da saída do sol.

E tralo chapuzón, coma sempre o premio máis gratificante será un bo chocolate con churros, momento no que se fará entrega dos premios. O ano pasado por ser o 25 aniversario, engadíronse unha serie de premios que se manteñen este ano así como algún novo, para seguir incentivando a participación. Ademais dos trofeos ao mellor nadador e nadadora, este ano haberá tamén para os primeiros menores de 15 anos (nena e neno). E despois haberá un agasallo para o traxe de baño máis orixinal (masculino e feminino); un xamón para o conxunto con traxes de baño máis orixinais; outro para a familia que máis membros presente; e outro para o club que presente mais deportistas. Como novidade, nesta 26 edición do Madrugón en lugar do tradiconal polo conmemorativo, entregarase unha toalla a cada participante.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies