DeportesEn portadaÚltima hora

O 53 Descenso do Sil, premio á mellor regata organizada no 2019 en Galicia

Os premios serán entregados na Gala do Piragüismo Galego, que se vai celebrar o 21 de decembro en Santiago

Saída da anterior edición do Descenso do Sil./ Foto: Carlos G. Hervella.

 

A xunta directiva da Federación Galega de Piragüismo vén de decidir na súa última reunión os premios que concede cada ano para recoñecer o labor realizada por concellos, clubs e deportistas nas diferentes modalidades deste deporte e neles hai presenza valdeorresa.

Un deses recoñecementos correspóndelle ao Descenso do Sil, celebrado o pasado 14 de setembro, no marco das Festas do Cristo, segundo informa o Concello do Barco, que resultou elixido como a regata mellor organizada en Galicia no 2019. Estes premios serán entregados na Gala do Piragüismo Galego, que se vai celebrar o 21 de decembro en Santiago.

 

Esta proba ten un multitudinario público/ Foto: Carlos G. Hervella.

 

Ademais, por primeira vez, a elección dos mellores do ano fíxose coa colaboración da cidadanía, que votou na páxina da Federación Galega de Piragüismo para axudar na concesión das distincións. “O premio á regata mellor organizada para o Descenso do Sil é un recoñecemento ao traballo realizado pola Concellería de Deportes, que dedica moito esforzo a esta proba, considerada unha das máis importantes do piragüismo nacional”, destacan dende o Concello do Barco.

Na pasada edición destes premios o Descenso do Sil xa lograba un accésit na categoría de mellor regata organizada.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close