DeportesÚltima hora

O Adas quédase a un paso do podio no galego absoluto feminino de clubs de pista cuberta

Esta competición desenvolvíase o sábado 11 de xaneiro en Expourense

Membros do equipo feminino do Adas, xunto a presidente do club, no campionato./ Foto: Club Adas.

 

Apenas 8 puntos separaban ao equipo feminino do Adas do Barco do podio na Copa galega absoluta de clubs en pista cuberta. Esta proba desenvolvíase o sábado 11 de xaneiro nas pistas de Expourense, na cidade das Burgas.

A clasificación absoluta feminina liderábaa a Sociedade Ximnástica de Pontevedra (82 puntos), sendo prata o Atletismo Feminino Celta (80 puntos) e terceiro o Ría de Ferrol (69 puntos), mentres que o Adas situábase cuarto (57 puntos).

“O noso equipo, plagado de rapazas Sub16 e Sub18, conseguiu facerse coa cuarta posición, só por detrás dos equipos de primeira e division de honra”, aseguran dende o Adas, que ademais resalta, dentro desta destacada actuación, os primeiros postos de Marta Casanova no 3000, con mínima nacional absoluta incluída, e do relevo (formado por Marta Casanova, Lúcia Cardesín, María Fernández Bouza e Belén García), “que ganaba a proba un pouco a contra prognóstico”.

Ademais Lola Bouza facíase co segundo posto en pértega e María Fernández nos 400, mentres que Sandra Mosquera lograba unha terceira posición nos 1.500 m.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close