O adestrador do CD Arenteiro, Rogelio Gómez Fernández “Gelucho”, non seguirá á fronte do equipo do Carballiño. Así o explicaba o club nun comunicado emitido onte.
“A nova Xunta Directiva decide comezar esta nova etapa cun novo proxecto deportivo no que busca un perfil de adestrador con dedicación plena ao club, unha condición que non pode cumplir Gelucho”, lamentaban. Así, a directiva, encabezada polo recén chegado Argmiro Marnotes, quixo agradecer o traballo de Gelucho nas últimas tempadas.