Na mañá deste 22 de abril, o alcalde de Almendralejo José María Ramírez agradecía, na súa comparecencia pública, as mensaxes de solidariedade, respecto, apoio e alento que lle chegaban dende as dúas vilas irmás, A Rúa en Ourense e Ceprano en Italia, con motivo da pandemia e da suspensión da ancestral romaría de San Marcos, que se leva a cabo en Almendralejo cada 25 de abril.
Na súa intervención Ramírez explicou que o alcalde da Rúa, Álvaro Fernández, dirixiulle ao pobo de Almendralejo “unhas palabras de apoio a través dunha emisora local, que dende aquí lle agradezo”. En concreto, a chamada do rexedor galego foi ao programa “Café estudio” de Radio Almendralejo para dar as súas condolencias pola primeira vítima mortal do coronavirus na localidade extremeña.
