PolíticaÚltima hora

O alcalde de Manzaneda, entre os ponentes dunha xornada sobre o “rural vivo en Europa”

Celebrarase o sábado 26 de maio na Casa da Cultura de Santa Cruz de Ribadulla (Vedra)
O alcalde de Manzaneda, Félix Domínguez./ Foto: Carlos G. Hervella.

O rural vivo é posible e, como mostra, as experiencias que se exporán no marco da xornada “Acceso aos servizos básicos: Un dereito imprescindible para un rural vivo en Europa”, que se celebrará o sábado 26 de maio na Casa da Cultura de Santa Cruz de Ribadulla (Vedra). Un deses “exemplos de interese na xestión de servizos báscicos de concellos galegos e doutras partes de Europa” será o de Manzaneda. Así neste encontro o alcalde de Manzaneda, Félix Domínguez, será un dos ponentes, xunto a María Ángeles López, directora  do máster de Enerxías Renovables e Sustentabilidade Enerxética da Universidade de Santiago, e a Maja Gilbert, membro do Consello do Condado na rexión de Dalarma (Suecia). Será nunha intervención prevista a partires das 16:30h. O profesor na Universidade de Vigo e xornada David Formoso moderará esta parte.

O programa das xornadas incluirá ademais unha mesa que abordará “O acceso a servizos básicos como poden ser o transporte público, internet e Correos. Análise da deficiente situación actual nos concellos de Vedra e Boqueixón. Como organizarse para defendelos e recuperalos”. Nela intervirán como relatores, ademais de Lídia Senra, deputada galega no Parlamento Europeo, que tamén é veciña no concello de Vedra, o concelleiro Non Adscrito en Vedra Roberto Castro Rocamonde, e o concelleiro da Agrupación Veciñ@s de Boqueixón Xabier Canabal Fernández. María del Carmen Soutullo Carolo, concelleira en Boqueixón tamén, será a encargada de moderar o debate e de introducir esta parte da xornada.

 

Cartel da xornada.

A continuación, ás 12:30 horas, terá lugar un relatorio a cargo de Jorge Duarte, concelleiro de Santiago responsable de Espazos Cidadáns, Dereito á Vivenda, Mobilidade e Relacións Veciñais, que explicará “O novo plan de transporte para Santiago e comarca”. A concelleira na Estrada polo Movemento Veciñal Estradense (MÓVETE), Mar Blanco Casais, será a moderadora nesta parte.

Esta xornada será organizada pola eurodeputada Lídia Senra e aberta a todas aquelas persoas que queiran participar, escoitar e intervir nos diferentes debates programados, sen necesidade de inscrición previa.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close