Despois de 43 anos de labor profesional como ATS, o alcalde de Quiroga, Julio Álvarez, decidiu poñer fin á súa traxectoria sanitaria para dedicarse exclusivamente á vida política. Así na noite do 8 de novembro despedíase dos seus compañeiros do Centro de Saúde de Quiroga cunha cea. Nesta mesma celebración tamén se despedía a outro profesional do centro, Alfredo Regueiro.
Julio Álvarez levaba 37 anos exercendo como practicante en Quiroga, dende moito antes de que se abrira o Centro de Saúde. E dende hai 32 anos compaxinando este traballo coa política, non só local, xa que tamén foi presidente da Fegamp e vicepresidente da Deputación de Lugo.
Agora con 62 anos, retirándose da área sanitaria, centrarase no seu traballo como alcalde de Quiroga e demais cargos políticos.
