EconomíaEconomíaÚltima hora

O alcalde de Quiroga reúnese co presidente da Xunta para pedir a D.O. para o aceite desta comarca lucense

O alcalde de Quiroga, Julio Álvarez, na reunión co presidente da Xunta./ Foto cedida.

 

Dende o Concello de Quiroga continúase a traballar co obxectivo de acadar o recoñecemento dunha Denominación de Orixe Protexida para o aceite producido e elaborado nesta comarca do sur de Lugo. O último paso dado neste senso é a reunión que o alcalde quirogués Julio Alvarez mantiña esta mañá de 14 de outubro en Santiago de Compostela co presidente da Xunta, Alberto Núñez Feijóo.

No decurso da xuntanza o rexedor expúxolle a postura que vai manter o Concello neste tema e ante iso o presidente da Xunta “amosouse moi interesado no aceite de Quiroga, e comprometeuse a estudar a documentación presentada”, segundo o Concello. Julio Álvarez amosábase moi satisfeito coa resposta do presidente á saída da reunión.

 

Outro dos momentos da xuntanza.

 

A solicitude de Denominación de Orixe Aceite de Quiroga presentouse xa o pasado 14 de marzo ante a Consellería de Medio Rural, a través da Xefatura Territorial de Lugo. Xunto coa solicitude achegábase a documentación esixida pola lexislación vixente para a apertura e tramitación do expediente, que o executivo galego ten que remitir ao Ministerio de Agricultura, primeiro, e á Unión Europea, despois.

“Transcorridos máis de seis meses dende esta solicitude, da que non se ten contestación, o alcalde de Quiroga decidiu tratar este asunto persoalmente co presidente da Xunta”, tal e como se indica dende o Concello de Quiroga.

Nesta xuntanza co titular do goberno galego, que se prolongou máis de media hora, o rexedor aproveitou tamén para falar sobre outros temas importantes para Quiroga.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close