EconomíaEconomíaGalerías de fotosÚltima hora

O alcalde do Barco inaugura a XVII Semana de Educación-Empresa no IES Lauro Olmo

As xornadas estenderanse ata o luns 25 de febreiro e inclúen conferencias e obradoiros

Dirixidas aos alumnos da Formación Profesional, están as xornadas de educación e empresa que se celebran dende hai 17 anos no IES Lauro Olmo do Barco que se desenvolverán ata o 25 de febreiro no salón de actos do centro.

A inauguración, a cargo do alcalde do Barco Alfredo García e da directora Amparo Quiroga, tiña lugar na mañá do 18 de febreiro e na mesma xornada, celebrábase a primeira ponencia de carácter xeral á que asistían todos os alumnos, que xirou en torno ás novas estratexias na procura de emprego da man de Ana Belén Martínez, orientadora de promoción de emprego de Aeva.

A partires de aí, xa específicas para cada ciclo, sucederanse as charlas sobre o ámbito sanitario e sobre novas tecnoloxías, pechando o ciclo a ponencia sobre as claves dunha entrevista de traballo e elaboración do C.V. a cargo de Sofía Liste, directora da empresa de recursos humanos Nortempo.

Tamén haberá obradoiros (de infraestruturas de telecomunicacións e boas prácticas na atención a persoas dependentes) e unha charla sobre a experiencia do Viveiro de Empresas no Concello do Barco a cargo da concelleira de Comcercio, Turismo e Traballo Irene Dacal.

 

Programa da XVII Semana de Educación-Empresa.

Fotos: Mónica G. Bellver.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close