O artista Alberto Pena expón no Centro Cultural Marcos Valcárcel de Ourense

A mostra “Corpo, natureza e conciencia” poderá visitarse ata o 17 de febreiro

Alberto Pena, Rosendo Fernández e Francisco González, na presentación da exposición.

“Busco natureza como un recolector, lévoa ao estudo e convértoa en símbolos, a través dun proceso tan antigo como é a técnica da impronta, a cal emprego con técnicas tan contemporáneas como o uso de spray”. Así explica Alberto Pena o proceso de creación da mostra “Corpo, natureza e conciencia” que comeza na “paisaxe que me rodea”.

Dende hoxe e ata o 17 de febreiro, poderá verse no Centro Cultural Marcos Valcárcel de Ourense, esta exposición de pintura na que o artista, traslada aos lenzos a súa paisaxe interna, cos cadros distribuídos polas instalacións do hall e da sala cero deste espazo cultural.

A nivel conceptual esta mostra trata de integrar o organismo coa natureza, segundo explicou Alberto Pena na presentación na que estivo acompañado polo vicepresidente da Deputación Rosendo Fernández e polo director do centro cultural Francisco González. No acto, o artista adiantou que os visitantes atoparanse con obras nas que “creo imaxes reparadoras, que asocio coa psicoloxía humanista, coa psicoterapia, porque a idea é que a creación artística significa traballo interior, como unha transformación vital, polo que os cadros mostran o meu crecemento persoal tamén”. Por último, nas obras tamén están presentes as polaridades, “hai como dúas cousas confrontadas, pero a imaxe ten a capacidade de integrar historias que están confrontadas e superar contradicións”, explicou Pena.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies