En portadaÚltima hora

O artista valdeorrés Chere abre a Semana de Cine do Barco coa exposición “Camiñantes”

Dentro das actividades de inauguración haberá documentais, curtas e homenaxes

O artista, Chere. Foto: Mónica G. Bellver.

 

O vindeiro venres 29 de agosto, inaugúrase a XXIX Semana de Cine do Barco. Así, o artista barquense Gerardo Rodríguez Ramos “Chere”, abrirá o programa coa presentación da súa exposición “Camiñantes” ás 19h. Non é a primeira vez que este creador participa nesta actividade, pero este ano cambia totalmente de rexistro. Deixa a súa característica pintura erótica e viaxa ao seu interior. Observa a xente anónima, a “camiñantes”, que andan por diferentes escenarios como as praias de Galicia.

 

Unha das súas obras.

 

As outras actividades que compoñerán este acto de inauguración, serán o visionado do documental “Importancia da música no cine” de Anxo Santomil; e a proxección da curta “Un mundo salvaxe”, do valdeorrés Rodrigo Marini, con actores da talla de Javier Cansado e Fernando Albizu.

 

Por último, proxectarase o documental gañador do Mestre Mateo, “Idénticas”. Este galardón exhibirase no hall do Teatro Lauro Olmo durante toda a semana.

 

 

Esta nova edición da Semana de Cine do Barco será organizada polo Cine Club Groucho Marx.

 

Programa completo.

Fotos da exposición cedidas por Chere.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close