Publicidade
AletismoDeportesÚltima hora

O atletismo galego volta á competición neste verán

A federación galega vén de aprobar o avance de calendario de probas 2020

Competición de atletismo nas pistas de Calabagueiros (O Barco), na pasada tempada./ Foto: Carlos G. Hervella.

 

Xa hai datas para as competicións de atletismo neste verán en Galicia. A Federación Galega de Atletismo vén de aprobar o 30 de xuño o avance do calendario de probas 2020 a través de consulta telemática efectuada aos membros da súa xunta directiva e da súa comisión delegada.

“Este calendario de mínimos nace coa vontade de ser todo o flexible posible en canto a ampliación de máis actividade, partindo sempre da premisa de máxima responsabilidade e
prevención fronte a evolución da pandemia”, sinala o director técnico, Carlos Castro.

Deste documento destaca como data importante a disputa do Campionato de Galicia Absoluto, que se desenvolverá conxuntamente cos Sub18, Sub20 e Sub 23 nas pistas
Universitarias da Coruña. As datas serán o 29 e 30 de agosto con posibilidade de amplialo un día antes, o 27 do mesmo mes.

Para facilitar a consecución de marcas míninas establécense dous controis federativos para o día 15 de agosto e o día 21, coincidindo este último co Meeting Ourense Termal. Ademais para o mes de setembro están programados para o día 26 o Campionato de Galicia Sub14 e Sub16 e un día máis, o 27, o Campionato de Galicia Máster, aínda sen sede.

Liga Abanca e outras citas, no outono

“Sempre e cando as condicións sexan as favorables”, a FGA prevé a volta a Liga ABANCA no mes de novembro nas xornadas do 14, 21 e 28 xunto ao Campionato de Galicia de Marcha en pista para o día 22, estando reservado o 19 de decembro para os Campionatos Sub10, Sub12 e Sub14. O Campionato Galego de Combinadas de clubs terá tamén a súa celebración os días 26 e 27 do último mes do ano.

“No que atinxe aos Campionatos de ruta, estase traballando para podelos encaixar no mes de novembro, atendendo as características e complexidades destas probas en canto a concorrencia de atletas que sempre supoñen. Igual acontece cos distintos controis que nos meses de setembro, outubro, novembro e decembro preténdense ir encaixando

Protocolo COVID-19

Ademais o 30 de xuño tamén resultaba aprobado o protocolo COVID-19 por parte da xunta directiva e da comisión delegada da FGA. Este documento xa foi remitido á Secretaría Xeral da Xunta de Galicia para o seu estudo e aprobación.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close