DeportesÚltima hora

O Atletismo Rúa segue traballando no Gran Premio de Montaña previsto para o mes de outubro

Con varias modalidades e distancias, trátase da proba estrela que organiza o club rues

Participantes na pasada edicion do GPM da Rúa. /Foto cedida.

 

A pandemia provocada polo coronavirus deixou este ano polo camiño moitas celebracións e actividades deportivas, pero dende o Club Atletismo Rúa aseguran que malia o Covid-19 continúan traballando na edición deste ano do Gran Premio de Montaña (carreira en andaina) previsto para o domingo 4 de outubro, iso si, “preparando un protocolo de actuación e un regulamento que se adapte á nova realidade do que serán este tipo de eventos”, puntualizan.

O presidente do club, Fernando Navarro, aseguraba hai só un mes que aínda que organizan varias probas ao longo do ano (carreira contra o cancro, milla nocturna,…), o GPM é a súa proba estrela e este ano esperaban que fose especial. “Está incluída no calendario de carreiras por montaña da Federación Galega de Montañismo e ademais será puntuable para a Copa Galega co cal esperamos contar cos mellores corredores de trail de Galicia”, explica, lembrando que a idea é que haxa competición por equipos e individual masculina e feminina e tamén júnior, entre outras novidades que irán anunciando.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close