Publicidade
ConcellosÚltima hora

O Barco abre o prazo de presetanción de propostas para a revitalización do Salgueiral

A partir do 28 de febreiro e durante un mes poderán realizarse suxestións a través da páxina web do Concello

Imaxe da área recreativa do Salgueiral (O Barco)./ Foto: A.R.

 

O Concello do Barco abrirá o 28 de febreiro un prazo de presentación de suxestións para a realización dun proxecto de revitalización e posta en valor da área recreativa do Salgueiral. A súa intención é “lograr que esta ampla zona natural situada na marxe esquerda do río Sil se converta nun espazo masivamente utilizado polos habitantes do Barco para a realización de actividades deportivas, recreativas e lúdicas. Por iso, e co obxectivo de que o proxecto que finalmente se desenvolva sexa do agrado da maioría da cidadanía, convidamos a participar con ideas, suxestións e iniciativas para a remodelación integral do Salgueiral”, segundo o Concello.

Ademais a administración local lembra que a “totalidade dos terreos do Salgueiral forman parte do dominio público do leito do río, e polo tanto trátase dun espazo inundable. Isto quere dicir que as suxestións que se realicen, así como as futuras actuacións, deberán ter en conta esta circunstancia, especialmente no relativo a calquera tipo de construción ou instalación”.

As propostas poden presentarse a través da páxina web do Concello do Barco (http://www.concellodobarco.org) nun prazo dun mes a contar dende o xa citado 28 de febreiro. “Todas as propostas serán estudadas e postas en coñecemento dos técnicos que elaborarán o proxecto definitivo que finalmente se desenvolva, e que será o máis adecuado para lograr un mellor aproveitamento do espazo natural do Salgueiral”, segundo o Concello.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close