ConcellosÚltima hora

O Barco acollerá un obradoiro de banca e comercio electrónico da Unión de Consumidores de Galicia

Impartirase na Aula Cemit da vila, no edificio multiusos, os días 18, 21, 25 e 28 de outubro

Aula Cemit do Barco./ Foto: A.R.

 

“Escola para o apoderamento de mulleres do rural: comercio e banca electrónica” é o título do obradoiro de oito horas de duración que impartirá neste outono no Barco a Unión de Consumidores de Galicia (UCGAL), en colaboración coa Secretaría Xeral de Igualdade. A través del búscase formar a mulleres en novas tecnoloxías.

Esta actividade realizarase nas seguintes datas: venres 18, luns 21, venres 25 e luns 28 de outubro; en horario de 17:00 a 19:00 horas na Aula Cemit (Edificio Multiusos. Praza do Concello, número 2). “A actividade ten unha duración de oito horas, repartidas en catro sesións de dúas horas cada unha. O número de prazas é limitado. As inscricións realizaranse chamando ao 981 56 64 11 (de 10:00 a 15:00 horas) ou enviando un correo electrónico a prensa@consumidores.gal“, segundo a organización.

Entre os obxectivos deste obradoiro de formación está que as asistentes adquiran coñecementos e habilidades relacionadas coa Sociedade da Información (banca electrónica, comercio electrónico) e , así mesmo, coñezan os seus dereitos como persoas consumidoras e as ferramentas existentes que permiten o exercicio dos mesmos.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close