Tendencia positiva na evolución do coronavirus no Barco. Mantén un descenso no número de casos nos últimos días. Así segundo os datos que lle vén de comunicar o Sergas ao Concello, este municipio conta con 43 casos de Covid, son 4 menos que onte.
Ademais, neste 29 de outubro, sitúase en nivel de alerta 1 (amarelo) no mapa epidemiolóxico galego que elabora o Sergas en función dos casos confirmados por probas PCR nos últimos 7 días. Así, segundo esta última actualización no Barco rexistráronse entre 7 e 14 casos nesa franxa temporal.
Este concello valdeorrés estivo moitos días en nivel 3 (vermello) e onte pasaba a nivel 2 (laranxa), este novo cambio de nivel de alerta confirma a evolución descendente no número de casos.
