Na fin de semana do 23 e 24 de maio, padexeiros de diferentes comunidades autónomas daranse cita no Barco de Valdeorras para desputar a segunda das citas do Campionato de España de Descenso de augas bravas (sprint e clásica), tras a competición celebrada en Camarasa (Lleida) a finais de abril.
Así prevese a participación de clubs de Castela e León (en concreto de Salamanca, Palencia e León), do País Vasco, Cataluña, Asturias e, por suposto, de Galicia. Entre estes últimos estará o Fluvial Barco, que será asemade o organizador das probas en colaboración co Concello do Barco e coa Federación Galega de Piragüismo. Un dos favoritos na categoría senior será o barquense Jesús Rodríguez León.
O programa deste evento nacional, que se enmarca nas Festas da Santa Rita, comezará o día 23 de maio. A primeira das competicións era a Copa España clásica individual. As saídas comezaban a partires das 15:30h. dende a localidade barquense de Éntoma, cun circuíto similar ao de anteriores edicións. A súa chegada estaba no tramo do río Sil á altura da pasarela do Malecón.
Esta mesma tarde desenvolverase o Campionato de España de clásica por patrullas (equipos de tres padexeiros do mesmo club). O seu circuíto será idéntico ao da competición individual e a primeira das saídas darase ás seis da tarde.
O campionato de augas bravas continuará na xornada do domingo 24 de maio.
Texto: A.R.
Fotos: Carlos G. Hervella/ Ángeles Rodríguez
