EconomíaEconomíaÚltima hora

O Barco CCA aposta por unha pasarela de moda “valdeorresa, amateur e inclusiva” para promocionar o comercio local

Neste desfile, adicado ao Camiño de Inverno e que será presentado polo actor Christian Escuredo, participarán unha vintena de establecementos barquenses

 

“Camiño ao Inverno”, nunha clara homenaxe á ruta xacobea que pasa por Valdeorras, será o título da vindeira edición da Pasarela O Barco de Moda, unha iniciativa promovida polo Barco Centro Comercial Aberto (CCA) e que se celebrará o vindeiro venres 20 de setembro ás 21h. na praza do Concello barquense.

O desfile contará como “mestre de cerimonias” co actor barquense Christian Escuredo e nel participarán unha vintena de establecementos barquenses: Miranda X, Baamonde, Ana Óptica, Can-Can, Hache, o Periódico O SIL, Librería Murciego, Pizpireta, Nº 37, Garoba, Chuches Ale, Estética Pamen, Dulce Bebé, Multiópticas Valdeorras, Costuritas, Koki, Casabella e Pili Prenda.

Así o anunciaba a presidenta do Barco CCA, Sandra Moldes, durante a rolda de prensa celebrada neste mércores 11 de setembro para presentar a pasarela. Xunto a ela estaba a coordinadora da pasarela, Diana Ortiz, e a vicepresidenta da entidade, María Ángeles Rodríguez, quen engadía que “Ana de la Puente será a escargada de maquillar aos modelos e o peiteado correrá a cargo de Peluquería Margot. Estamos tamén en contacto co IES Lauro Olmo para saber se podemos contar con eles en canto a perruquería se refire. Pola súa banda, Perfumería e Droguería Damas-Escuredo vestirá a pasarela”.

 

 

Pola alfombra, que nesta ocasión será negra, desfilarán arredor de 40 modelos infantís e 50 adultos, saídos do casting celebrado o pasado xoves. “Temos que dicir que a colaboración que recibimos, tanto das diferentes asociacións, como de Diana Ortiz, voluntarios ou das persoas que se presentaron aos castings e as que desfilarán, é totalmente desinteresada, o que engade máis valor, se cabe, á axuda que nos están prestando. Tamén debemos recalcar que a pasarela é completamente amateur, tanto a nivel organizativo como enriba da pasarela”, matizaban a presidenta do Barco CCA e a coordinadora da pasarela, Diana Ortiz.

 

 

Nesta presentación as responsables do CCA estaban acompañadas ademais polo presidente da Cruz Vermella, Maximino Alonso; pola presidenta de Asfaval, Amelia Blanco; e pola presidenta e vicepresidenta da Asociación Amigos do Camiño por Valdeorras, Asunción Arias e Felicidad Pérez, respectivamente.

Estas entidades colaborarán de diversa forma no evento. Así A Cruz Vermella Valdeorras contribúe con voluntarios que axudarán o día da pasarela e con parte da decoración da mesma (realizada por cativos do seu campamento de verán); Asfaval aportará varios modelos que desfilarán e Protección Civil Civil do Barco axudará “organizando aos espectadores para que, dunha maneira ordeada, vaian ocupando os seus asentos”, indicaba Sandra Moldes.

Finalmente, as asociacións participantes amosaban a súa satisfacción por colaborar neste proxecto, mentres Asfaval destaca a ilusión dos seus modelos por participar.

Fotos: A.R.

Máis información:
https://www.osil.info/christian-escuredo-sintome-moi-orgulloso-de-que-na-mina-vila-se-leven-a-cabo-iniciativas-como-este-desfile-para-involucrar-a-toda-a-poboacion/

https://www.osil.info/diana-ortiz-quero-que-a-pasarela-o-barco-de-moda-funcione-porque-quero-que-o-comercio-funcione-e-darlle-vida-ao-meu-pobo/

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close