EconomíaEconomíaEn portadaÚltima hora

O Barco CCA e AEVA piden colaboración para reunir corchos de botellas de viño de cara a preparar a campaña de Nadal

Estes tapóns poden ser novos ou usados, sintéticos ou naturais “xa que os usaremos para a decoración dos establemcentos asociados”, din dende estas entidades empresariais

 

Imaxe dunha rúa do centro do Barco no pasado Nadal./ Foto: Carlos G. Hervella.

 

Os comerciantes e empresarios valdeorreses xa están preparando a vindeira campaña de Nadal. Ademais apostan por unha decoración diferente e neste senso dende O Barco Centro Comercial Aberto (CCA) e dende a Asociación Empresarial de Valdeorras (AEVA) pídese a colaboración de tendas e de veciños da comarca co fin de reunir o maior número posible de tapóns de corcho de botellas de viño “xa sesan novos ou usados, sintéticos ou naturais, e que usaremos para a decoración dos establecementos asociados”.

Ademais pretenden que os veciños e comerciantes sexan protagonistas nestas datas e pediranlles que se reúnan “nun lugar, un día e unha hora concreta, ataviados con motivos navideños, para facer unha foto de familia que utilizaremos para o fondo do cartel de Nadal que decorará os nosos establecementos e que, para favorecer a súa divulgación, publicarase nas redes sociais”, adiantan. Esta convocatoria “incluirá unha sorpresa para os asistentes”.

Deste xeito estas asociacións pretenden “transmitir unha mensaxe de concienciación sobre a reutilización de residuos e comunicar a colaboración de AEVA e do Centro Comercial Aberto co Consello Regulador da Denominación de Orixe Valdeorras, poñendo en valor un dos piares económicos e culturais de Valdeorras: o noso viño. Porque queremos que este Nadal sexa Un Nadal de Todos”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close