A Asociación Centro Comercial Aberto ( CCA) O Barco organiza unha campaña de promoción dirixida e en colaboración cos salóns de peiteado e centros de estética asociados: Alba Dobao Beleza & Wellness, Ana de la Puente, Estética Pamen, Salón de peiteado Dalia, Salón de peiteado Estudo R, Salón de peiteado Margot, Salón de peiteado Nilo e Savage Beauty Lab.
A acción, que se celebrará do 24 de maio ao 7 de xuño, expón un sorteo de dous vales de 300 e 100 euros (o CCA O Barco achega o 60% do valor total dos premios, e os establecementos participantes o 40% restante) para investir nos establecementos participantes. Para participar, os clientes deberán cubrir cun nome e un teléfono as rifas que se lles entregarán coas súas compras, e depositalas nunha urna.
O sorteo celebrarase o venres 10 de xuño na oficina do CCA O Barco ( c/ España, 1) extraendo unha rifa ao azar entre todas as participantes. As persoas premiadas serán avisadas telefonicamente e publicaranse os seus nomes nas redes sociais e medios de comunicación.
Con esta actividade, o CCA O Barco recupera as súas campañas dirixidas a cada un dos sectores de actividade que forman parte da asociación. Este proxecto que busca dinamizar de forma personalizada cada sector comezou a desenvolverse en 2021 e continuará a súa andaina ao longo deste ano 2022.
