O Centro Comercial Aberto (CCA) do Barco, que preside Ángel Álvarez, convocará aos seus asociados á súa asemblea xeral ordinaria o vindeiro 29 de outubro ás 20:30h. A reunión terá como escenario o salón de actos do edificio multiusos da vila. A orde do día da reunión inclúe media ducia de puntos, entre os que figuran a aprobación das contas, da memoria de actividades do 2013 e a ratificación das solicitudes de afiliación.
No acto de clausura da asemblea apostarase por divulgar e poñer en valor o Parque Natural da Serra da Enciña da Lastra (Rubiá), o único existente na comarca de Valdeorras. Neste senso, contarase coa presenza de Alfonso Fumega, técnico do servizo de Conservación da Natureza en Ourense, que amosará as singulares desta fermosa e valiosa paraxe.
