En recoñecemento aos méritos, resultados e labor deportiva na tempada 2015, o Concello do Barco de Valdeorras vén de rendir homenaxe a máis de 50 deportistas locais de numerosas disciplinas e de todas as idades, dende os máis pequenos da Escola de Judo ata os veteranos do Club Adas Proinor.
Atletas, futbolistas, nadadores, arqueiros, katatekas, piragüistas, técnicos e ata psicólogos deportivos. Dende a Concellería de Deportes, organizadora do evento, non esqueceron a ninguén e na tarde-noite do 22 de abril entregábanlle unha placa conmemorativa, na Gala do Deporte celebrada nun completo Teatro Lauro Olmo.
O acto comezaba con música. Primeiro cun dúo de piano e violonchelo e despois coa ensemble de saxofóns do Conservatorio e da Escola de Música do Barco. A partires de aí, previa proxección dun video sobre cada deportista, comezaban a desfilar polo escenario do teatro todos os homenaxeados. Primeiro os elixidos polo propios clubs do Barco, despois os individuais, e por último as empresas colaboradoras e incluso medios de comunicación como o Periódico O Sil que tamén recibíu a súa mención.
A celebración remataba cunha gran pinchada para todos os asistentes.
Máis información na vindeira edición do Periódico O Sil.
Fotos: Carlos G. Hervella.
