Seguen subindo os casos activos de coronavirus no Barco. Segundo os últimos datos feitos públicos polo Sergas neste 19 de xullo (actualizados ás 18h. de onte), son 171 os positivos de Covid-19 rexistrados neste municipio, o que supón 10 máis que onte.
A incidencia acumulada no municipio sitúase nos últimos 7 días en >250, mentres que nos útimos 14 días está en >500, segundo a Consellería de Sanidade.
Nesta xornada tampouco se rexistran ingresos por coronavirus no Hospital Público de Valdeorras, pero si no de Verín, ata o de agora libre de virus, que contabiliza un ingreso por Covid. No Hospital de Ourense volven medrar as persoas hospitalizadas, un total de 29 (5 máis que onte), 4 delas están na UCI.
