DeportesEspecial Cristo 2016Galerías de fotosÚltima hora

O Barco comeza o día grande do Cristo co Madrugón no Sil

Fieis á tradición, un grupo de valentes retaron ao frío baixando a nado da Capitana ao Malecón

O Barco de Valdeorras vive hoxe, mércores 14 de setembro, o día grande das Festas do Cristo. E nada mellor para comezar a xornada que facelo no río, ás 8 da mañá e nadando. Así o facían os valentes homes e mulleres que un ano máis participaban no Madrugón, baixando a nado polas frías augas do Sil dende a Capitana ata o Malecón. Unha tradición e un dos sinais de identidade das festas grandes do Barco, que nacía no ano 1992 e dende entón, en maior ou menor medida, con máis ou menos nadadores, mantense viva.

Máis que unha proba competitiva, este chapuzón festivo é unha actividade lúdica na que os participantes disfrutan, aínda que tamén pasen frío. Por iso, non dubidan en botar man do licor café para entrar en calor e coller os folgos necesarios para entrar na auga. A partires de aí, todo é moi rápido e acompañados polos membros de Protección Civil, completan os escasos 300 metros de distancia, sécanse, vístense e rematan a tarefa cun gran almorzo no Cafetín.

Como non podía ser doutro xeito, tamén houbo agasallos para os máis rápidos que un ano máis foron Pablo Israel Rodríguez e a súa muller Grit Hagen, que non teñen rivais nesta cita lúdico-deportiva á que non faltaron os concelleiros de Deportes, Aurentino Alonso (leva anos participando); e de Cultura, Margarida Pizcueta.

Máis información no Especial Festas do Cristo do Periódico O Sil.
Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close