O Barco, contra a violencia de xénero

A praza do Concello acollía unha concentración para rexeitar este tipo de violencia e pedir medidas para lograr a súa erradicación

Multitude de persoas de diferentes idades e con prendas negras concentrábanse na praza do Concello do Barco no mediodía do 25 de novembro para amosar o seu rexeitamento á violencia de xénero. Soaba ao violoncello a melodía de “Negra Sombra” e, tras ela, a concelleira de Cultura do Barco, Margarida Pizcueta, daba lectura ao manifesto para conmemorar o 25 de novembro “Día Internacional contra a Violencia de Xénero” no que se expresa á repulsa a este tipo de violencia e tamén “a nosa obriga de traballar ata conseguir a súa erradicación. Temos a convicción de que a tolerancia cero cara a violencia contra as mulleres debe ser un valor e como tal defendido pola sociedade no seu conxunto”.

No manifesto tamén se incidía en que é tempo de “abordar solucións, con votade política e con decisión, unha resposta firme da sociedade, partidos políticos e institucións fronte á violencia machista” e destacábase que a edución é un campo que “non se debe descoidar”

Entre os asistentes estaban membros do equipo de goberno municipal (PSdeG-PSOE), encabezados polo alcalde Alfredo García, así como dos grupos da oposición (PP e Riada Cidadá), ademais do deputado autonómico Moisés Blanco, e representantes do BNG en Valdeorras. Había asemade numerosos escolares de centros públicos e privados da vila.

Nesta ocasión varios concellos valdeorreses (O Barco, A Rúa, Petín, Vilamartín) decidían impulsar unha programación conxunta con motivo desta data baixo o lema “Valdeorras en negro”. Ademais de diversas accións nos centros, tamén se implicaba o comercio e repartíanse camisetas alusivas ao lema desta campaña contra a violencia de xénero.

Por outra banda, tamén outros colectivos da vila conmemoraban esta data. É o caso da Asociación de Mulleres Rurais de Veigamuíños (foto final da galería, cedida).

Fotos: Ángeles Rodríguez.

Máis información sobre outros actos desta conmemoración:
O Barco: IES Martaguisela:
https://www.osil.info/alumnos-e-profesores-ies-martaguisela-fan-un-video-contra-violencia-de-xenero/
A Rúa: https://www.osil.info/acto-contra-violencia-de-xenero-na-rua/
Vilamartín: https://www.osil.info/concentracion-e-charla-informativa-contra-violencia-machista-en-vilamartin/

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies