Como cada ano, O Barco de Valdeorras arranca a programación navideña con música. Facíao na tarde do 19 de decembro na igrexa de Santa Rita, onde tiña lugar o tradicional festival infantil de panxoliñas organizado polo Orfeón Valdeorrés no que participaron alumnos do CPR Divina Pastora, do CEIP Julio Gurrirán, do CEIP Condesa de Fenosa, e do coro de voces brancas do Conservatorio do Barco.
Nas imaxes da galería poden verse dous momentos da actuación do coro do colexio plurilingüe Divina Pastora que ademais de participar no recital navideño, celebra estas datas con diferentes actividades no propio centro como a instalación do nacemento; eucaristías de Nadal; ou representacións de panxoliñas por parte dos alumnos de Infantil, Primaria e Secundaria.
