Mañá, mércores 15 de xaneiro, a imaxe de San Mauro sairá de novo polas rúas do casco vello do Barco de Valdeorras a ombros dalgúns dos municipais da vila, sendo custodiada polo resto do corpo de forzas de seguridade local, que encabezarán a comitiva da procesión, acto central da festa na honra ao seu patrón.
Pasado o mediodía, os axentes da vila esperarán vestidos de gala o momento exacto, ás 12:30 horas, para coller a imaxe do santo e comezar o percorrido da procesión. A comitiva encabezada polos membros da Policía Local e o santo sairá da igrexa de San Mauro para continuar polas rúas Real e Escura e rematar de novo na igrexa parroquial, onde dará comezo a eucaristía.
Coma sempre, nha vez rematado o acto relixioso a Policía Local do Barco de Valdeorras compartirá un aperitivo con familiares e amigos.
Máis información na edición en papel do Periódico O Sil.
