O Barco de Valdeorras rende culto a San Antón

A procesión coa imaxe do santo dende a capela ata o pavillón de Calabagueiros centrou os actos do 13 de xuño

Unhas horas despois de que a parroquia ruesa de Fontei honrase a San Antón, eran os veciños do barrio barquense do Campo os que sacaban á súa propia imaxe para percorrer os poucos metros que separan a capela na que se conserva do pavillón de Calabagueiros. Alí, como cada 13 de xuño, trala procesión acompañada musicalmente polos gaiteiros Airiños de Portela, numerosos fieis asistían á eucaristía presidida polo neopresbítero da Diócese de Astorga e Capelán do HCV Daniel Pérez Quintela, xunto a varios sacerdotes da contorna, entre eles o párroco Ángel Sánchez Cao. Durante a celebración litúrxica acompañada musicalmente pola Agrupación Coral Mariñán, bendixéronse as familias, os nenos, os noivos, os pans e as candeas.

A parte lúdica da festa de San Antón en Calabaguerios chegará na fin de semana coa actuación de dúas orquestras: Kalima 3.0 o sábado día 16 e Suavecito o domingo día 17.

Fotos: Mónica G. Bellver

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies