Unha xornada máis, continúa o descenso de casos activos de Covid no Barco, se ben desta volta moi lixeiramente. Así, segundo os últimos datos facilitados polo Sergas ao Concello do Barco, este municipio valdeorrés sitúase nos 50 positivos, é dicir, un menos que onte.
Aínda así, no mapa galego do Covid que elabora a Consellería de Sanidade, e no que O Barco onte presentaba un nivel de alerta 2 (menos de 21 casos novos nos últimos 7 días confirmados por probas PCR), hoxe o municipio volve a un nivel de alerta 3, ao rexistrarse máis de 21 casos novos nos últimos sete días.
