A patinaxe será a principal novidade na oferta de actividades do Barco para este Nadal. A superficie do pavillón polideportivo acollerá do 30 de decembro ao 10 de xaneiro unha gran pista de patinaxe de xeo sintético de 200 m2 e na que poden patinar 45 persoas á vez.
A iniciativa será promovida polo Concello do Barco en colaboración co Barco Centro Comercial Aberto (CCA) e Mantesil. Ademais forma parte da campaña de Nadal de AEVA e do CCA, tal e como recordaba na presentación desta actividade a presidenta do Barco CCA, Sandra Moldes. “A entrada custa 4 euros, pero o CCA regalará o 24 de decembro coas compras que se realicen nos establecementos 1.500 entradas, que permitirán usar a pista durante media hora polas mañás”.
Ademais da pista de patinaxe, tamén se instalarán no polideportivo “inchables para nenos de todas as idades. Do 30 de decembro ao 10 de xaneiro a pista estará aberta en horario de 11 a 14h. e de 4 a a 8h, menos o 30 de decembro, 1, 6, 7 e 8 de xaneiro, días nos que só abrirá pola tarde”, sinalaba a concelleira de Comercio do Barco, Irene Dacal.