CulturaCulturaÚltima hora

O Barco, entre as localidades galegas nas que se estreará o filme “Eroski Paraíso” o 13 de decembro

Escena do filme.

 

Logo do éxito colleitado como obra teatral, “Eroski Paraíso” dá agora o salto á gran pantalla da man dos directores Jorge Coira e Xesús Ron. O filme, unha produción de Chévere e Ollo Vivo, chegará este venres 13 de decembro aos cines galegos. As primeiras localidades que acollerán o filme a partir desa data serán salas como  o Teatro Lauro Olmo do Barco (poderá verse a partir do 14 de decembro ao coincidir o venres unha representación de danza), ademais de Numax (Santiago de Compostela), Duplex (Ferrol), os Multicines Norte (Vigo), Codex (Lugo), os Cines Viveiro (Viveiro) e os Cines Seixo (Marín). Nas semanas seguintes Eroski Paraíso tamén poderá verse en Caldas de Reis, A Coruña, Cee, A Rúa, As Pontes, Verín, Leiro, A Estrada ou Ribadeo.

O filme é unha comedia que explora a memoria colectiva, as voltas que dá a vida e a transformación das relacións nunha comunidade pequena. Baséase en historias reais que sucederon no Paraíso, unha famosa sala de festas de Muros que pechou en 1990 e que, ao cabo dos anos foi convertida nun supermercado Eroski.

Na película nárrase a historia de Álex (Cris Iglesias), unha nova cineasta, que decide facer un filme sobre a historia dos seus pais. Eva (Patricia de Lorenzo) e Antonio (Miguel de Lira) coñecéronse na citada sala de festas Paraíso en 1989, casaron e tiveron unha filla. Agora están divorciados, levan anos sen verse e a antiga discoteca onde se coñeceron é un supermercado Eroski.

Eroski Paraíso naceu como unha obra de teatro creada pola compañía Chévere (Premio Nacional de Teatro 2014) que, despois dunha xira de varios anos por España e de máis de 30.000 espectadores, os directores Jorge Coira e Xesús Ron deciden converter en longametraxe.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close