Coa música do grupo de corda do Conservatorio arrancaban os actos da XIV Festa do Botelo do Barco no mediodía do 18 de xaneiro. De seguido, tiña lugar a lectura dun entretido pregón, que corría a cargo do editor e fotógrafo do Periódico O Sil, Carlos García, e a homenaxe á hostaleira Rita Barrio de Casa Ignacio. O acto, celebrado nun abarrotado salón de actos do IES Martaguisela do Barco, foi presentado por Jaime Dosouto. Xa ás 14:30 h. os asistentes cambiaban de escenario para dirixirse ao polideportivo de Calabagueiros para desfrutar do xantar do botelo, que congregaba nesta edición a un millar de persoas.
Fotos: Ángeles Rodríguez/ Mónica G. Bellver
(Máis información na próxima edición en papel do Periódico O Sil).
