A Concellería de Cultura e Educación do Barco vén de anunciar a organización dunha viaxe a Madrid para asistir ao musical “Priscilla. Reina del desierto”. Un dos tres protagonistas deste exitoso espectáculo é o actor barquense Christian Escuredo.
Esta viaxe está prevista para o sábado 13 de febreiro e as persoas interesadas deberán poñerse en contacto co Servizo de Cultura no teléfono 988320053 ou por correo electrónico (cultura@concellodobarco.org)
O prezo da excursión é de 75 euros e inclúe a viaxe en autocar, a entrada en platea (filas 4 a 11) na función das 18 horas no Teatro Alcalá e o xantar en La Tasca de Figueroa.
O próximo 28 de febreiro, cando leve 510 funcións continuadas e máis de trescentos mil espectadores no Teatro Alcalá, “Priscilla” rematará o seu ciclo en Madrid e no verán iniciará unha xira por varias cidades españolas, segundo se informa dende a Concellería de Cultura barquense.
