SanidadeÚltima hora

O Barco pedirá á Consellería de Sanidade que convoque o Consello de Saúde no distrito de Valdeorras

A Corporación barquense aprobaba por unanimidade esta petición que se recollía nunha moción do BNG

 

Na sesión plenaria que a Corporación barquense celebraba na tarde do 5 de setembro resultaba aprobada cos votos dos catro grupos políticos que a forman (PSdeG-PSOE, PP, BNG e Riada Cidadá) unha moción que pedía a “convocatoria inmediata” por parte da Consellería de Sanidade dos Consellos de Saúde e, especialmente o do distrito sanitario de Valdeorras. Esta iniciativa era presentada polo concelleiro nacionalista Suso Vilasánchez.

“A participación social no ámbito sanitario é un dos principios rectores do sistema público de saúde da Galiza” e a “lei 1/2018 de 2 de abril pola que se modifica a lei 8/2008 especifica entre outra cousas no seu artigo 23 que a participación social realizarase a través dos Consellos de Saúde de Distrito, no ámbito propio dos mesmos, así como que estes consellos terán funcións consultivas e de asesoramento en formulación de plans e obxectivos” e que neles haberá representación dos concellos, segundo explicaba Vilasánchez.

Ademais incidía en que nestes consellos “os concellos deberán exercer unha acción proactiva de mellora e control da actividade e da política sanitaria, sobre todo neste tempo onde o mercantilismo e o escaso peso político as poboacións pequenas son algo notorio”.

 

O concelleiro do BNG no Barco, Suso Vilasánchez.

 

Dende o PP a súa voceira municipal, Sabina Aguado, indicaba que “estamos dacordo en que poñan en funcionamento os consellos”. Do mesmo xeito se manifestaba o concelleiro de Riada Cidadá Félix Yáñez, quen resaltaba que eses consellos teñen que funcionar, sobre todo, por un criterio democrático”, mentres que o concelleiro socialista Orlando Saavedra indicaba que, “despois dun ano e medio da reforma da lei, xa ten pasado suficiente tempo como para que se convoquen” e matizaba que este órgano de representación social nos distritos “conseguiuse grazas ás reivindicacións que se fixeron. O consello debe formarse e debemos participar nel”.

Fotos: A.R.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close