ConcellosGalerías de fotosÚltima hora

O Barco pedirá a rehabilitación integral do firme da N-120

A Corporación aprobaba unha moción nese senso no pleno do 4 de maio, no que tamén se felicitaba a un policía local e a un membro do GES Valdeorras polo seu labor nun rescate

Ao longo de máis de “90 km de traxecto a estrada N-120 atópase nunha situación de deixadez e abandono por parte dos responsables do seu mantemento”. Así o aseguraba o portavoz socialista na Corporación barquense, Auretino Alonso, na presentación da moción que o seu grupo presentaba no pleno do 4 de maio. “Fochancas, badéns, irregularidades na planeidade do firme, fendas, fisuras e desniveis son algúns dos danos que, de xeito contínuo, van aparecendo a medida que avanzamos por este tramo de estrada, que o están a converter nun lugar moi perigoso para circular, no que calquer día se vai producir un accidente se non se lle dá unha solución urxente”, abundaba Alonso.

A moción socialista, que resultaba aprobada por unanimidade, conclúe instando ao Goberno central a que “con carácter inmediato e de urxencia, inicie os trámites que sexan necesarios para dotar economicamente as partidas oportunas que permitan licitar e levar a cabo a rehabilitación integral do firme da calzada da N-120 entre o límite da provincia da provincia de Ourense e o PK 530”. E tamén insta ao goberno central a que “se leven a cabo as actuacións necesarias para que no tramo entre Sober e Ourense se poda dotar á estrada N-120 de espazos seguros de adiantamento tanto nun sentido como noutro, a unhas distancias non maiores ás que se atopa o terceiro carril nos tramos nos que este se habilitou”.

O voceiro do PP, Arsenio Moldes, grupo que apoiaba a moción, recoñecía que esta estrada “non está nas súas mellores condicións para o seu uso seguro e eficiente” e destacaba a súa importancia como “principal vía de comunicación de Valdeorras”. Tamén respaldaba a moción Riadá Cidadá, cuxo representante, Félix García, indicaba que “compartimos os argumentos do PSOE e o sufrimos tamén”.

Felicitación

Outro dos puntos da orde do día que tamén resultaba aprobado por unaminidade era a proposición presentada polos voceiros do PSdeG-PSOE, PP e Riada Cidadá relativa á felicitación a un policía local. José Mondelo, e a un membro do GES Valdeorras, Fernando Valcarce, “polo traballo desenvolvido no rescate” dunha muller dun pozo cartesiano no Barco o pasado 22 de marzo.

Fotos: Ángeles Rodríguez.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close