ConcellosÚltima hora

O Barco recita, interpreta e canta a Manuel María

A praza Maior da vila acollerá na tarde do 17 de maio un espectáculo de música e poesía con multitude de participantes
Unha das actuacións musicais do pasado ano no Día das Letras Galegas no Barco./ Foto: Ángeles Rodríguez.
Unha das actuacións musicais do pasado ano no Día das Letras Galegas no Barco./ Foto: Ángeles Rodríguez.

“Non hai canto tan fermoso, fino como un asubío” é o título do espectáculo co que O Barco celebrará o vindeiro 17 de maio o Día das Letras Galegas. Trátase dun acto moi especial que se celebrará a partires das oito da tarde na praza Maior da vila. Nel incluírase o “recitado e interpretación de poemas e cancións de Manuel María no que participarán varias agrupacións e artistas da comarca, achegando cada unha delas a súa particular maneira de ler e interpretar a obra do poeta chairego”, tal e como se adianta dende a Concellería de Cultura.

No espectáculo haberá recitado de poesía./ Foto: Ángeles Rodríguez.
No espectáculo haberá recitado de poesía./ Foto: Ángeles Rodríguez.

Será por tanto poesía e música compartida. Entre os participantes no espectáculo estarán os membros de Gargallada Teatro: Noemí Pinto, Sol Rodríguez, Reyes Limia, Manuel González, Lalo Santos e Manuel Caramés. Tamén poderá escoitarse ao cantautor valdeorrés Anxo Rei, así como a Coral Mariñán, Mauro Docampo, Jorge Álvarez & Armando Pérez, o Orfeón Valdeorrés e SdeRap.

Asemade no decurso deste acto terá lugar a presentación da reedición do Cancioneiriño de Valdeorras, realizada dende o Concello do Barco en colaboración coa Fundación Manuel María de Estudos Galegos.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close