Unha ateigada praza barquense de Andrés de Prada recibía ao grupo Seguridad Social na noite do 12 do setembro. José Manuel Casany (voz), Javi Vela (Guitarra/voz), Alex Olías (baixo/voz) e Rafa Villalba (batería) facían gala sobre o escenario do seu bo facer musical cun variado repertorio de temas que ían dende os ritmos latinos, pasando polo seu singular ska ata o reggae, entre os que, por suposto, non faltaron referentes como “Acuarela”, “Quiero tener tu presencia”, “Chiquilla” ou “Comerranas”. Non faltou tampouco a súa particular homenaxe a outras bandas como Tequila, cunha versión de “Salta” ou a artistas como Nino Bravo, con cuxo tema “Un beso y una flor” co que, tras os bises, se despedían agradecidos dun público entregado.
Texto: A.R. Fotos Carlos G. Hervella