PolíticaÚltima hora

O barquense Eduardo Ojea, cuarto na lista do PSdeG por Ourense ás eleccións galegas

A candidatura nesta provincia estará encabezada por Marina Ortega, actualmente deputada no Congreso

O barquense Eduardo Ojea./ Foto: Carlos G. Hervella.

 

O PSdeG vén de aprobar “por aclamación” as súas candidaturas ao Parlamento galego, nas que Gonzalo Caballero, Pablo Arangüena, Patricia Otero e Marina Ortega figuran como cabezas de lista nas provincias de Pontevedra, A Coruña, Lugo e Ourense, respectivamente.

No referido a Ourense, a secretaria de Política Social do PSdeG, Marina Ortega, liderará a lista. Nacida no Carballiño en 1983, esta psicóloga de profesión é deputada no Congreso despois de pasar pola concellería de Servizos Sociais, Igualdade e Sanidade da súa localidade.

En Ourense, por detrás de Ortega sitúase o verinense Juan Carlos Francisco, senador, quen xa fora parlamentario autonómico entre 2010 e 2012. A continuación sitúase a ourensá Carmen Rodríguez Dacosta, quen accedeu á Cámara galega hai uns meses, e no cuarto posto atópase Eduardo Ojea (O Barco de Valdeorras).

Catro ourensanos máis, Elena de Prada, José Antonio Novoa (Xuventudes Socialistas), Marina Tallón e Miguel Ángel Rodríguez Ojea, atópanse nos números cinco, seis, sete e oito. Bibiana Iglesias, de San Cibrao, sitúase no número nove, antes de José Rodríguez (A Mezquita).

Antonio Rodríguez, quen fora secretario xeral do PSdeG, pecha a lista de Ourense, de onde é natural, a xeito simbólico de apoio ao proxecto socialista de cara ao 5 de abril.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close