En portadaÚltima hora

O barquense Jesús Rodríguez loitará por unha nova vitoria en K-1 sénior no Descenso do Sil

Unhas 300 embarcacións tomarán a saída dende Sobradelo o sábado 14 de setembro ás 18h. A meta estará no Malecón do Barco

Jesús Rodríguez (Club Fluvial Barco), entrando en meta tras vencer na pasada edición do Descenso do Sil no Barco./ Foto: Ángeles Rodríguez.

 

O LIII Descenso do Sil-Memorial Julián Trincado, unha cita emblemática e multitudinaria das Festas do Cristo do Barco, celebrarase neste ocasión no día grande desta celebración: o 14 de setembro. Este ano, como novidade, terá como limiar o 1º Descenso Turístico do Sil en piraguas populares, cuxa saída darase ás 16h. e terá como meta o Cachón.

Para as 18h. está programado o inicio do descenso competitivo. Antes, aquelas persoas que queiran ver a saída en Sobradelo poderán coller o tren fluvial gratuíto, que partirá da estación de ferrocarril barquense ás 17:30h. Despois de que se dean todas as saídas, ás 18:15h., o tren regresará ao Barco, facendo ademais diversas paradas neste traxecto que lle permitirán aos viaxeiros ir seguindo a competición. A súa chegada á vila está prevista para sa 18:40h.

 

Público seguindo o Descenso do Sil do 2018 na zona barquense do Cachón./ Foto: Carlos G. Hervella.

 

Nesta edición do descenso (organizada novamente pola a Concellería de Deportes do Barco e pola Federación Galega de Piragüismo en colaboración co Club Fluvial Barco) tomarán a saída preto de 300 embarcacións (K-1, K-2 e C-1) de clubs de diferentes puntos de Galicia e mesmo dalgún de fóra. Novamente o Club Fluvial Barco contará cunha ampla representación en diversas categorías. Entre os seus padexeiros estará, de seguro, Jesús Rodríguez León, que loitará pola súa 18ª vitoria consecutiva no Sil. Tomará a saída en K-1 sénior.

A meta da proba estará, como vén sendo habitual, na praia fluvial do Malecón do Barco.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close