Novo título na traxectoria deportiva do padexeiro Raúl Prada Pérez. Logo dunha destacada tempada no 2019, con dous metais galegos e un ouro nun campionato de España, este barquense vén de subirse novamente ao podio nunha competición autonómica.
Así, o 30 de agosto competía no Campionato galego cadete, disputado no encoro de Verducido (Pontevedra), en K-4 cadete, vestindo novamente as coas cores do Club Piragüismo Verducido-Pontillón. O seu barco vencía na final, cunha distancia de 1.000 m, cun tempo de 00:03:18,33.
O valdeorrés compartía embarcación con Anxo García, David Pazos e Miguel Anxo Franco. Todos eles adestrados por Jabucho. Ademais, Raúl Prada participaba na competición de K-1 cadete, onde lograba clasificarse na novena posición na final A.
Fotos: Lois Prada Ferrer.