En portadaÚltima hora

O barquense Santiago Prada, Premio Nacional á Excelencia Profesional PRENAMO 2019 na disciplina de Xoias de Autor

O xoieiro recollerá o galardón de ANDE no acto que se celebrará mañá no Hotel Puerta América, en Madrid

Santiago Ramón Prada Gómez.

 

A gala dos Premios Nacionais á Excelencia Empresarial e Profesional PRENAMO (Premios Nacionais da Moda) 2019, que outorga ANDE (Asociación de Novos e Xoves Deseñadores) celebrarase mañá 4 de outubro no Hotel Puerta América, en Madrid, e entre os galardoados está o xoieiro barquense Santiago Prada.

Hai xa máis de oito anos que Santiago comezaba a súa aventura no mundo da xoiería e o que comezou case como un pasatempo, converteuse cos anos no seu modo de vida, conseguindo facer dende o seu taller no Barco de Valdeorras, xoias de autor para todo o mundo.

Xoias que elabora artesanalmente de principio a fin, dende o deseño en 3D ata o esmaltado e o engastado de xemas. “A miña idea é ofrecer ao cliente xemas de calidade (rubíes, esmeraldas, zafiros, tanzanitas,…) montadas en pezas, basicamente de prata, que realizo a man, partindo dunha fundición de metal. Ademais importo as pedras que engasto directamente dende o país de orixe (o 80% de Tailandia), conseguindo reducir o custe nunha porcentaxe considerable, polo tanto o produto que lle ofrezo ao cliente é unha peza de calidade, acompañada por un análise xemolóxico e a súa correspondente tasación, a un prezo moi xusto e valor documentado”, explica Santiago.

 

Unha das xoias de Santiago Prada.

 

Que non sexa necesario ter un gran poder adquisitivo para fabricar unha xoia, é tamén o seu obxectivo dentro da Asociación Joyas de Autor que preside dende o mes de xullo, buscando “transparencia e sobre todo creatividade”.

As súas ideas e sobre todo traballo, levárono a ser un dos galardoados nos PRENAMO deste ano co Premio Nacional á Excelencia Profesional na disciplina Xoias de Autor.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close