O barquense Víctor Miranda, autor do cartel ganador da XX Feira do Viño de Valdeorras

A obra foi seleccionada polo xurado entre un total de 50 propostas presentadas

Algúns dos membros do xurado co cartel ganador./ Foto: Carlos G. Hervella.

O godello é o principal protagonista do cartel promocional da XX Feira do Viño de Valdeorras, que se celebrará na fin de semana do 15 e 16 de xullo na praza de Viloira (O Barco). O xurado do concurso convocado polo Consello Regulador da Denominación de Orixe Valdeorras reuníase na tarde do 15 de xuño e decidía a proposta ganadora, da que é autor o barquense Víctor Miranda, de 39 anos e natural do Barco de Valdeorras.

No cartel destaca unha copa medio chea de viño branco entre unha botella silueteada sobre fondo negro. O autor da proposta gañadora, que traballa no ámbito do marketing e da publicidade, recibirá un premio de 600 euros. Un total de 50 traballos diferentes presentáronse ao concurso.

 

Imaxe do cartel ganador do concurso.

O xurado do concurso estivo conformado por diferentes profesionais e presidido pola secretaria xerente do Consello Regulador, Alda Pérez. Del tamén formaban parte o profesor petinés Gabino Fariñas, un dos profesionais do equipo do Periódico O Sil, o responsable de comunicación do CRDO Valdeorras, Felipe Vieira e unha representante dos medios locais.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies