Dende hai máis de tres décadas a Fundación Institucional Española (FIES) organiza o concurso “¿Qué es un Rey para ti?”, patrocinado pola Fundación Orange, cuxo obxectivo é que os escolares españois se acerquen ao monarca e á Coroa e que coñezan o papel que a Constitución reserva á primeira das institucións españolas.
Cada ano participan no certame miles de alumnos de entre 8 e 13 anos de toda España a través dos seus traballos (esculturas, murais, debuxos, multimedia…), elixindo un número de finalistas por cada comunidade autónoma. Este ano e por cuarto consecutivo, un alumno do CEIP Julio Gurriarán do Barco de Valdeorras foi un dos 40 alumnos seleccionados en Galicia: Víctor Ortiz Sousa alumno de 6º de Primaria, grazas a un trabado artístico sobre Felipe VI.
Os traballos seleccionados, incluído o de Víctor, foron expostos durante o acto celebrado na mañá do 3 de xuño no Museo Pedagóxico de Galicia (MUPEGA) de Santiago de Compostela, onde se fixo entrega de diplomas e agasallos a cada un deles. Nese acto sábase asemade a coñecer o nome do gañador do concurso por Galicia, Daniel Bermúdez Álvarez, do IES Vilar Ponte (Viveiro), que representará á Comunidade Autónoma na audiencia co Rei.