Raúl Díaz é un apaixoado so seu pobo, Éntoma e da lousa; e eses son dous dos protagonistas do Belén que dende hai dou anos coloca durante o Nadal, nas Antigas Escolas da vila.
Unha das peculiaridades deste singular belén é que está distribuído por módulos, cunha escea representada en cada un, pero todas representativas desta localidade barquense e da comarca de Valdeorras. Está a canteira, o Nacemento, as pequenas médulas, a Igrexa, a vila coa capela da Virxe de Galir, a fonte dos desexos, o río e unha Casas Grande.
“O Nacemento está ubicado no módulo do mercado”, puntualiza Raúl, engandindo que a novidade deste ano é un noveno módulo que representa a Éntoma con todo luxo de detalles. Están a pista polideportiva, as pontes, a vía do tren, os dous ríos que atravesan o municipio, o Galir e o Sil; as Igrexa de San Xoan e a capela da Virxe de Galir; as casas máis significativas,… Non falta o muro de Albar, tampouco a ponte sobre o Galir e os castiñeiros da zona sombría; os viñedos e a adega de Roandi, o Camiño de Inverno coa súa frecha amarela e incluso un grán rótulo feito en pedra que pon en letras moi grandes, Éntoma.
Non lle falta detalle e o horario de visitas é de luns a venres de 17 a 20h; e sábados e festivos de 12 a 20h. aínda que Raúl asegura que quen desexe velo, só ou en grupo, fóra dese horario, pode preguntar no pobo por el e acudirá sen problema para amosalo.
Fotos: Carlos G. Hervella