Publicidade
PolíticaÚltima hora

O BNG de Ourense celebra o 25 de xullo convidando á cidadanía a sumarse ao seu proxecto

 

No Parque Barbaña celebraba a partir das 12h. deste 25 de xullo o BNG de Ourense o cen aniversario do “Día da Patria Galega”. A formación nacionalista chamaba á cidadanía a unirse ao seu proxecto como alternativa ao goberno actual despois de conseguir uns resultados históricos do 12X. Ademais comprometeuse a “traballar duro” nas institucións e na rúa para que a crise non a pague a maioría social deste país.

Neste acto, que contaba cunha representación valdeorresa encabezada por María Albert, tomaba a palabra a representante de Galiza Nova en Ourense, Stella González, que reivindicou o papel “fundamental” da mocidade do presente e o futuro do país” e animaba a que máis “mozas e mozos” se unan á organización xuvenil do BNG acreditando, unha vez máis, “na necesidade da autoorganización” como ferramenta para a mocidade.

Neste mesmo sentido, o voceiro municipal do BNG en Ourense, Luis Seara, destacou o papel da mocidade durante a campaña electoral e a responsabilidade das xeracións máis novas teñen no proxecto político do BNG. Así mesmo, sumouse ao chamamento de “sumar a todas aquelas persoas que teñen a Galiza no corazón ao proxecto do BNG”.

Pola súa banda, Noa Presas, deputada electa e representante da Executiva Nacional do BNG, resaltaba que no 12X esta formación política lograba “un resultado absolutamente histórico para o nacionalismo galego”.

Ademais insistiu en que eses resultados constitúen “un motivo máis para avanzarmos e ilusionarnos” sendo conscientes do traballo que se ten que desenvolver ao longo destes catro anos para “derrotar ao actual goberno na Xunta de Galiza. Temos o deber de achegarnos a todas as persoas e explicarlles o que é este proxecto político e de achegar a máis xente á militancia do BNG”

Presas indicaba tamén que  “somos conscientes de que a pata institucional é necesaria mais temos que ter maior capacidade de incidencia social. O nacionalismo galego ten agora a responsabilidade de estar diante de todos os posíbeis retrocesos que xa comezaron”.

Tamén aseguraba Presas que as forzas estatais están mirando cara outro lado mentres que o BNG está defendendo os intereses das e dos galegos coma no caso de Alcoa.

Fotos cedidas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close