PolíticaÚltima hora

O BNG do Barco fai un arranque simbólico de eucaliptos na Finca da Cruz

Con este xesto a candidatura nacionalista prentedía amosar o “desleixo do actual goberno municipal polo medio ambiente” e fronte a iso defende “a reforestación con árbores autóctonas” e a posta en valor dos espazos verdes do concello
Membros da candidatura do BNG no Barco, no arranque simbólico de eucaliptos no Parque da Cruz.

O Parque Arqueolóxico da Finca da Cruz era o lugar escollido polo BNG do Barco para facer un arranque simbólico de eucaliptos na mañá do 16 de maio. Tras este xesto, varios membros da candidatura nacionalista, entre eles o seu cabeza de lista, Suso Vilasánchez, explicaban que desta maneira pretendían amosar o “desleixo do actual goberno municipal polo medio ambiente, non teñen unha visión dunha política forestal acaída, non cren no aproveitamento forestal do monte que ben aproveitado e coidado fixa poboación no rural”.

Ademais presentaban as principais medidas do seu programa en material medioambiental, entre elas a creación dunha planta de compostaxe e reciclaxe con xestión municipal. “Xa hai experiencias deste tipo en concellos como Allariz e iso suporía o aforro de milleiros de euros, que o Concello paga agora a Sogama mensualmente”, dicían.

O BNG do Barco tamén avoga pola “resforestación con especies autóctonas” dos montes e polo “apoio incondicional a aquelas persoas que fagan emprendemento no monte, xa que as posibilibidades deste recurso son moitas”. E, ao mesmo tempo, defenden a posta en valor de espazos verdes do concello como a propia Finca da Cruz ou O Salgueiral, “que están abonadonados e nos que poderían organizarse festivais, unha foliada, unha romaría… como sucede noutros concellos”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close