Galerías de fotosPolíticaÚltima hora

O BNG do Barco pecha a campaña cunha asemblea aberta coa mocidade e cunha festa

Escoitaban as demandas e propostas dos mozos na praza Lauro Olmo da vila e logo dábase paso á música dos Parrandas

Achegándose aos máis novos pecha a campaña o BNG do Barco. Celebraba unha asemblea aberta coa mocidade do municipio a partir das nove da noite do 24 de maio na praza Lauro Olmo. O encontro abríase coa intervención do cabeza de lista, Suso Vilasánchez que se presentaba e sinalaba que “vimos aquí a escoitar as vosas propostas”. A partir de aí tomaban a palabra diversos mozos que plantexaban a necesidade de máis iniciativas culturais, a falta de espazos para a mocidade como “locais de ensaio” e tamén para deportes como o skate, entre outros.

Vilasánchez tomaba nota das demandas e comprometíase a elevalas ao Concello no caso de obter representación municipal. Tamén lles manifestaba a intención do BNG de “facer un concello participativo, non só contando cos pedáneos das aldeas ou con represantes dos barrios, senón tamén con toda a cidadanía para que faga chegar chegar directamente as súas propostas”.

Deseguido, dábase paso á música para pechar cunha festa “esta intensa campaña”. Actuaban os Parrandas que poñían a banda sonora dunha celebración que se prolongará até as 12 da noite e na que tamén se servían petiscos aos asistentes.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close