O BNG logra o respaldo da asemblea da ALE para pedir que Galicia forme parte do corredor atlántico

Para a portavoz nacionalista Ana Pontón a exclusición de Galicia desta rede é “un hándicap moi importante para o desenvolvemento da nosa economía e para a súa modernización”

Ana Pontón durante a súa intervención na asemblea da ALE.

No marco da celebración da asemblea da Alianza Libre Europea (ALE),o BNG lograba hoxe, 14 de abril, o respaldo para que Galicia forme parte do corredor atlántico das redes transeuropeas de transporte e así se lle demandará á Unión Europea e ao Estado español. Decidiuno así a asemblea despois de que a portavoz nacional do BNG, Ana Pontón, defendese a importancia estratéxica de que os portos galegos teñan conexión cos portos máis importantes de Europa.

Para Ana Pontón a exclusión de Galicia desta rede supón “un disparate” e prodúcese despois de que o propio goberno español se comprometera “xustamente a facer o contrario”. Considerou que esta discriminación é “un hándicap moi importante para o desenvolvemento da nosa economía e para a súa modernización”.

Dese xeito, nun primeiro punto da declaración aprobada, a ALE denuncia a exclusión de Galicia como nación atlántica en virtude dunha “decisión política tomada polo goberno español que implica o incremento da posición periférica de Galicia e que discrimina as nosas infraestruturas en relación co resto de Europa”.

Nesta liña, a ALE esíxelle tanto á Unión Europea como ao Estado español que rectifiquen esta decisión “canto antes”. Para acadalo trasládalle esta demanda ás institucións europeas e á Conferencia de Rexións Periféricas e Marítimas, ao Arco Atlántico e á Comisión de Transporte do Parlamento Europeo.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies