Agrupacións de Voluntarios de Protección Civil e GES de 10 concellos da provincia de Ourense recibían esta mañá de 1 de febreiro en Pereiro de Aguiar diverso material e equimamento de emerxencias. No acto de entrega contábase coa presenza do vicepresidente da Xunta, Alfonso Rueda, que estivo acompañado polo director xeral de Emerxencias e Interior, Santiago Villanueva; e o xerente da Axega, Marcos Araújo; entre outras autoridades.
Os concellos recibiron tres remolques de emerxencias, 4 pick-ups, dous furgóns e un equipo de excarceración. Os beneficiarios foron Allariz, Amoeiro, Os Blancos, O Bolo, Carballeda de Avia, Chandrexa de Queixa, Xunqueira de Ambía, Pereiro de Aguiar, Muíños e O Barco de Valdeorras. En total, suman un investimento de preto de 352.000 euros.
“Este apoio vén a recoñecer tamén o labor esencial que realizan os voluntarios e voluntarias, así como os profesionais que traballan na prevención e atención ás emerxencias e contribúen así á seguridade de toda a cidadanía”, segundo a Xunta.