Publicidade
EconomíaEconomíaÚltima hora

O Bono Turístico da Xunta poderá solicitarse a partir de mañá, 28 de xullo

Os beneficiarios recibirán unha tarxeta con 250€ para utilizar nos establecementos e produtos adscritos ao proxecto

Mesas e cadeiras recollidas nunha das zonas de terrazas do Barco. / Foto: A.R.

 

O Diario Oficial de Galicia ven de publicar a apertura do prazo de solicitude do Bono Turístico da Xunta de Galicia, que poderá pedirse dende mañá, 28 de xullo, ata o vindeiro 30 de novembro. Esta iniciativa foi impulsada polo Clúster de Turismo de Galicia e está dotada con 5 millóns de euros que irán destinados a inxectar liquidez na industria, fomentar o turismo interno, incentivar o consumo e impulsar a recuperación económica ante a situación de crise sanitaria.

A iniciativa chegará a preto de 20.000 empregados dos sectores sanitario e sociosanitario que traballaron en primeira liña contra o coronavirus. Aquelas persoas beneficiadas recibirán unha tarxeta de Abanca con 250€ que poderán utilizar nos establecementos, axencias de viaxes e produtos turísticos adheridos a este programa ata o 13 de decembro. A oferta incluída pódese consultar na web de Turismo de Galicia e está baseada nalgúns dos principais valores do modelo turístico galego como son a enogastronomía, a paisaxe ou o termalismo.

Os interesados poderán presentar a súa solicitude a través da sede electrónica e a concesión realizarase por orde inscrición ata esgotar o crédito correspondente. Unha vez que a persoa resulte beneficiaria do Bono Turístico e cando Abanca reciba a confirmación dos adxudicatarios, procederáse á estampación da tarxeta, que se enviará nun prazo máximo de sete días hábiles.

O Bono Turístico forma parte do Plan de Reactivación dos sectores cultural e turístico, aprobado no Consello da Xunta o pasado 30 de abril cunha dotación de 58 millóns de euros para, entre outros aspectos, apoiar o tecido empresarial no escenario pos-covid.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close